Salman Khan : सलमान खानला अनेकवेळा जीवे मारण्याची धमकी देण्यात आली आहे त्या अनुषंगाने गेल्या काही महिन्यांपासून सलमान खानच्या सुरक्षेत वाढ करण्यात आली होती. आज सकाळी सलमान खानच्या घरावर गोळीबार करण्यात आला आहे.
बॉलीवूडचा सुलतान सलमान खानच्या घराबाहेर एक अनुचित प्रकार घडला आहे. रविवारी सकाळी त्याच्या मुंबईतील गॅलॅक्स अपार्टमेंटबाहेर गोळीबार झाल्याची घटना घडली आहे.
दोन हल्लेखोर दुचाकीवरून आले होते त्यांनी सलमानच्या घराबाहेर गोळीबार केला. सलमान खानच्या घराबाहेर गोळीबार झालेल्या घटनेला एएनआय या वृत्तसंस्थेने दुजोरा दिला आहे. यासंबंधीचा एक व्हिडिओ व्हायरल होत आहे. घटनेची माहिती मिळताच मुंबई पोलीस तातडीने घटनास्थळी पोहोचले.
गोळीबार झाला त्यावेळी सलमान खान घरात होता की नाही याची माहिती समोर आलेली नाही. या घटनेच्या पार्श्वभूमीवर अभिनेत्याची सुरक्षा वाढवण्यात आली आहे.
🔥 ट्रेंडिंग 👉 मुलीने भर रस्त्यात केला माधुरी दीक्षितच्या गाण्यावर डान्स, व्हिडिओ व्हायरल.
